ХБӨ/Зүрх судасны өвчнөөс урьдчилан сэргийлэх, хянах нэн шаардлагатай тусламж үйлчилгээний зайлшгүй багцыг нэвтрүүлэх “МонгПен” загвар төслийн үйл ажиллагаанд тулгамдаж буй асуудал, хэрэгжилтийн үр дүн, уг төслийг өргөжүүлэхэд хэрхэн анхаарах чиглэлээр НЭМҮТ-ийн Ерөнхий захирал Д.Нарантуяа Дархан-Уул аймагт 2020 оны 10-р сарын 24, 25-ны өдрүүдэд ажиллав.Төслийн үр дүнд өрхийн эмчийн ачаалал буурах, иргэн даатгуулагчийн хамрагдалтыг ӨЭМТ-өөр дамжуулан нэмэгдүүлэх, даралтыг бууруулах хөнгөлттэй эмийн нэр төрлийг цөөлж, чанартай эмээр хянах боломж бүрдэж байгаа талаар “МонгПен” төслийг хэрэгжүүлэгч Дархан-Уул аймгийн найман өрхийн эмнэлгийн дарга нар болон ЭМГ-ын дарга Батцэнгэл нартай уулзаж саналаа солилцсон байна.