Сүхбаатар дүүргийн иргэдийн Төлөөлөгчдийн Хурлын ээлжит VII хуралдаан 2022 оны 12 дугаар сарын 09-ний өдөр дүүргийн Хурлын их танхимд хуралдлаа.ИТХ-ын дарга хүндэтгэн үзэх шалтгааны улмаас энэ удаагийн хуралдааныг удирдан явуулах боломжгүй тул түүний санал болгосноор төлөөлөгч Б.Эрдэнэбулган хуралдааны даргаллаа. Тус хуралдаанаар:1. Дүүргийн 2022 оны хөгжлийн жилийн төлөвлөгөөний биелэлтийг дүгнэх, 2023 оны хөгжлийн жилийн төлөвлөгөө батлах тухай2. Дүүргийн Газар зохион байгуулалтын 2022 оны төлөвлөгөөний биелэлт, 2023 оны төлөвлөгөө батлах тухай3. Дүүргийн 2021 оны төсвийн гүйцэтгэл батлах тухай4. Дүүргийн 2022 оны төсөвт нэмэлт, өөрчлөлт оруулах тухай5. Дүүргийн 2023 оны төсөв батлах тухай асуудлуудыг дүүргийн Засаг дарга Х.Болормаа6. Дүүргийн иргэдийн Төлөөлөгчдийн Хурлын Зөвлөлийн гишүүдийг эргэлтэд оруулах тухай асуудлыг ИТХ-ын Төсөв, санхүү, эдийн засгийн хорооны дарга төлөөлөгч Б.Эрдэнэбулган7.Дүүргийн иргэдийн Төлөөлөгчдийн Хурлын 2022 оны үйл ажиллагааны тайлангийн тухай8. Бусад асуудлуудыг дүүргийн иргэдийн Төлөөлөгчдийн Хурлын нарийн бичгийн дарга бөгөөд ажлын албаны дарга Ц.Осорваань нар тус тус танилцуулж ИТХ-ын хуралдаанаар хэлэлцэж холбогдох тогтоол шийдвэрүүдийг гаргасан байна. 2023 онд нийслэлээс Улсын төсөвт төвлөрүүлэх орлогын хэмжээ 574.8 тэрбум төгрөг бөгөөд үүний 50 хувь болох 287,4 тэрбум төгрөгийг Сүхбаатар дүүрэг дангаараа төвлөрүүлэхээр боллоо. Дүүргийн ИТХ-ын 2023 оны Зөвлөлийн бүрэлдэхүүнд Б.Энхболд, Ц.Баттөмөр, Э.Билгүүн, Л.Мөнхтүвшин, Ц.Сарантуяа, Ш.Батдорж П.Жавзмаа төлөөлөгчид ажиллахаар боллоо.