Баасан, бямба гарагт Хонг Конгод зохион байгуулагдах 2025 оны MAMA шагнал гардуулах ёслол тухайн бүс нутагт гарсан аймшигт гал түймрийн дараа төлөвлөсний дагуу үргэлжлэх эсэх нь тодорхойгүй байгаа талаар Ilgan Sports мэдээлжээ.
Харин “My Daily” сонинд мэдээлснээр, саяхан Хонконгод гарсан томоохон хэмжээний түймрийн улмаас хэд, хэдэн уулзалт хийсний дараа 2025 оны MAMA шагнал гардуулах ёслол товлосон ёсоороо үргэлжлэхээр шийдсэн бөгөөд цуцлагдахгүй. Харин зохион байгуулагчдын зүгээс уг арга хэмжээг анх төлөвлөснөөс илүү сүр жавхлантай, нам гүм орчинд зохион байгуулна гэж мэдэгдсэн байна.
Мөн зохион байгуулагчдын зүгээс уран бүтээлчдэд хандан “Бид ангилал тус бүрт тохирсон хариу арга хэмжээний төлөвлөгөөг шуурхай хэлэлцэж байна. Бид одоогийн нөхцөл байдал, арга хэмжээний үйл ажиллагааны журам, тэр дундаа уран бүтээлчдийн тоглолт, шагнал гардуулах ёслол зэрэгтэй холбоотой асуудлуудыг сайтар нягтлан үзэж, бүх зүйл эцэслэн дуусмагц шинэчлэлтүүдийг шуурхай хуваалцах болно.” гэж мэдэгджээ.
Энэ жилийн MAMA шагнал гардуулах ёслол нь түймрийн голомтоос ердөө 20 км-ийн зайд орших Кай Так цэнгэлдэх хүрээлэнд зохион байгуулахаар төлөвлөсөн бөгөөд логистик, аюулгүй байдал, олон нийтийн санаа бодлыг улам хурцатгаж байгаа аж.