Дулааны дөрөвдүгээр цахилгаан станцад гэмтэл гарсны улмаас тодорхой байршлуудад эрчим хүчний хязгаарлалт хийж эхлээд байна.
Тодруулбал, Дулааны дөрөвдүгээр цахилгаан станц нь бэлтгэл тоноглолгүй бүрэн хүчин чадлаараа ажиллаж байх хугацаанд зуухны халах гадаргууд гэмтэл гарч, цахилгаан эрчим хүчний чадлын дутагдалд орж, тодорхой байршлуудад эрчим хүчний хязгаарлалтыг “Диспетчерийн үндэсний төв” ТӨХХК-аас хийж байна. Хязгаарлалт 1.5 цаг үргэлжлэх бөгөөд хэрэглэгчдийг хэрэглээгээ зохицуулахыг Эрчим хүчний яамнаас хүсчээ. Мөн тоноглолыг 24 цагийн дотор засварлахаар ажиллаж байгаа аж.