Улсын хүүхэд залуучуудын театр БНСУ-ын Азийн үндэсний соёлын төв /А.А.С / хамтын ажиллагааны хүрээнд “Долоон нар” хүүхдийн үлгэрийн жүжгээ ирэх долдугаар сарын 25, 26-нд БНСУ-д тоглохоор болжээ.
Өмнөд Солонгосын найруулагч Ким Мин Жон, дууны найруулагч Хеми Клеменспичи нартай хамтран Улсын хүүхэд залуучуудын театрын жүжигчид БНСУ-ын жүжигчидтэй хамтран ийнхүү хүүхдийн уран бүтээлээ нээх юм.
Мөн түүнчлэн тайзны урлагийн бүтээлүүдийг шинэ шатанд гаргах, олон улсын түвшний шинэ бүтээлийг үзэгчдэд хүргэх зорилгоор Улсын хүүхэд залуучуудын театр БНСУ-ын Азийн үндэсний соёлын төвтэй хамтран ажиллах гэрээ байгууллаа.