Хажуу айлаасаа гараад сураггүй болсон иргэнийг эсэн мэнд олжээ
Онцгой байдлын албанд Сүхбаатар аймаг, Эрдэнэцагаан сум Жаргалант багийн “Өвөр хөндий” гэдэг газар /аймгийн төвөөс зүүн урд зүгт 190 км-т, сумын төвөөс хойд зүгт 30 км-т/. Иргэн А нь /сэтгэцийн эмгэгтэй/ 02.22-ны өдрийн 18:00 цагийн орчим хажуу айлаасаа гараад сураггүй болсон тухай дуудлага мөн өдрийн 23:40 цагт иржээ.
Дуудлагын дагуу тус аймгийн Онцгой байдлын газрын Эрдэнэцагаан сум дахь 47 дугаар ангийн алба хаагчид, сумын Мэргэжлийн ангийнхан 02.23-ны өдрийн 01:55 цагаас эрэн хайх, аврах ажиллагааг зохион байгуулж, мөн өдрийн 08:50 цагт сураггүй болсон газраас баруун урд зүгт 8 км-т, “Мухар-Эрэг” гэдэг газраас хээрээс эсэн мэнд олж, ар гэрийнхэнд нь хүлээлгэн өгчээ.
