Дараах автозамын боомтууд ирэх сард 3 өдөр хаана
Хил хамгаалаах байгууллагаас ирэх сард хилийн боомтуудын амрах болон ажиллах цагийн хуваарийг танилцуулав. Тодруулбал Монгол-Оросын хилийн автозамын Цагааннуур боомт арваннэгдүгээр сарын 10 болон 26-ны өдөр түр хаана. Тэс, Арцсуурь, Боршоо, Ханх, Ульхан боомтууд арваннэгдүгээр сарын 4, 10, 26-ны өдрүүдэд түр хаах юм байна. Монгол-Хятадын хилийн автозамын Бургастай, Шивээхүрэн, Гашуунсухайт, Ханги, Замын-Үүд, Бичигт, Сүмбэр, Баянхошуу боомтууд арваннэгдүгээр сарын 10, 26-ны өдрүүдэд түр хаана гэж мэдээлэв.
