Залуучууд хамтран робот хиймэл гарыг Монголдоо бүтээж байна
Монгол залуус хиймэл гар бүтээж, технологийн инновацыг эх орондоо нэвтрүүлж байна. Тодруулбал, 2019 оноос хойш туршилт, хөгжүүлэлт хийсэн Сим Бионикс ХХК-ийн залуучууд хамтран робот хиймэл гарыг Монголдоо бүтээж байна. Залуус хүүхэд бүрийг ижил тэгш эрхээр хангах зорилготой энэ төслөө “Энгийн мөрөөдөл” гэж нэрлэжээ.
Цаашдаа гадаадад өндөр өртөгтэй үйлдвэрлэдэг хиймэл эрхтэн тэр дундаа хиймэл гар, сарвууг технологийн хөгжүүлэлтээр Монголдоо хямд үнэтэй үйлдвэрлэж дотоод болон гадаад зах зээл дээр манлайлан ажиллах хүсэлтэй байгаагаа илэрхийлсэн юм.
Мөн “Энгийн мөрөөдөл” төслийн хүрээнд 500 хүүхдэд хиймэл гар бэлэглэхээр болжээ.
