Засгийн газрын “тролл”, МАН-ын “утсан хүүхэлдэй” Т.ДОРЖХАНД
-ХҮН нам нь МАН-ын “халаас”-нд, дарга нь МАН-ын “утсан хүүхэлдэй” болоод удаж байна. Одоо сүүлдээ Засгийн газрын “тролл”-ын ажлыг гүйцэтгэдэг боллоо-
УИХ-ын гишүүн, ХҮН намын дарга Т.Доржханд парламентын гадна байхдаа л МАН-ын “утсан хүүхэлдэй” гэдгээ харуулсан байдаг. Тэрбээр Үндсэн хуулийн өөрчлөлт дээр эрх баригч намд хүч нэмж, тэдний эрх ашгийн төлөө үгээ хэлж, “Женко” Х.Баттулгыг дахин Ерөнхийлөгчөөр сонгогдох замыг нь хааж өгсөн юм. Үрд дүнд нь, “Женко” Х.Баттулга Ерөнхийлөгчийн сонгуульд орох эрхээ хаалгаж, Ерөнхийлөгчийн албан тушаал МАН-д буюу У.Хүрэлсүхэд очсон байдаг.
Т.Доржханд түүнийхээ “гавьяа”-г ч үнэлүүлсэн. УИХ-ын 2024 оны ээлжит сонгуулийн өмнө ХҮН нам МАН-ын “хөнжилд” орж, хамтарсан Засгийн газарт орж ажиллах тохироо тэндээс эхлэлтэй гэхэд болно. Тохирсон ёсоор УИХ-д наймхан суудал авсан ХҮН намынхан Т.Доржхандынхаа улс төрөөр Ерөнхий сайд Л.Оюун-Эрдэнийн Засгийн газарт хүч нэмж, хамтарсан Засгийн газарт орсон. Өөрөөр хэлбэл, ХҮН намын дарга Т.Доржханд Шадар сайд, П.Наранбаяр нь Боловсролын сайдаар ажиллаж байгаа билээ.
Харамсалтай нь, мань эр Эрчим хүчний реформын Ажлын хэсгийг ахалж, хэдэн тэрбум төгрөгийн төсөв суулгасан ч эрчим хүч, цахилгааны үнийг хэд дахин нэмэхээс өөр ямар ч ажил хийсэнгүй. Эндээс ХҮН нам нь МАН-ын “халаас”-нд, дарга нь МАН-ын “утсан хүүхэлдэй” болоод удаж байгаа дүр зураг тодорхойлогдож байгаа юм. Одоо сүүлдээ ХҮН намын дарга, Шадар сайд, УИХ-ын гишүүн Т.Доржханд Засгийн газрын “тролл”-ын ажлыг гүйцэтгэдэг боллоо. Тэрбээр Засгийн газрын ажлыг Ерөнхий сайдынхаа өмнөөс ярьж, цаасан дээр яриа төдий байгаа зүйлийг олон нийтэд дэлгэж, “поп” зангаа дарж чадахгүй явна.
Эх сурвалж: Erennews.mn
