“Тэлээ хурга” шиг амьдралтай, Соёлын сайдтай болох гэж үү
Шинэ Засгийн газарт сайдаар шургалах гэсэн УИХ-ын гишүүдийн булай, булхай хаа, сайгүй задарч байна. Тэдний нэг нь МАН-ын жагсаалтад бичигдэж, парламентад тангараг өргөсөн Д.Бум-Очир. Мань хүн Соёлын сайд болохоор мөлхөж байгаа гэгдэх. Гэвч хувийн амьдрал нь төрийн түшээ байх ёс зүйн чадамжгүй гэдгийг нь батлаад өгнө билээ.
Д.Бум-Очирыг хэл шинжлэлийн ухааны тэргүүлэгчдийн нэг С.Дуламын хүү гэдгийг олон нийт сайн мэднэ.
Гэвч гэр бүлийн хувьд тогтворгүй нэгэн гэдгийг нь огт мэдээгүй. Тиймээс ч биеэ, гэрээ засч амжаагүй байхад нь төр засалцахаар зүтгэхийг нь тоогоогүй байж.
Тодруулбал, түүний эхнэр Д.Долгорцэрэн өөрийн цахим хуудастаа 10 гаруй жил хамт амьдарсан, хоёр хүүхдийнх нь эцэг Д.Бум-Очирын гэр бүлээс гадуурх харилцааг нь дэлгэж, өөр амьдралдаа ахиад хоёр хүүхэдтэй болсон зэргийг нь дэлгэсэн.
Үнэндээ мань Д.Бум-Очир эгээ л “тэлээ хурга” шиг амьдарч байсан юм уу даа. Тиймдээ ч өнөөдөр хоёр эмэгтэйн дөрвөн хүүхдийн аав болчихсон яваа аж. Тийм атлаа монголчуудад соёл, спорт, аялал жуулчлалыг түүчээлж, залуусыг манлайлах салбарын сайд болно гэчихсэн МАН-даа ихэд дээгүүр гүйж яваа гэнэ дээ.
