Б.Батбаатар нэр цэвэр үлдэхээр Засгийн газраас гарна
ИЗНН-ын дарга Б.Батбаатар нэр цэвэр үлдэхийн тулд Засгийн газраас гарахаар болжээ. Хөөрхий намын даргаасаа түрүүлээд өнөөх УИХ-ын гишүүн М.Нарантуяа-Нара нь мэдэгдчихнэ билээ.
Б.Батбаатарын хувьд АН хамтарсан Засгийн газраас гарсны дараа БОУАӨ-ийн сайд болж, МАН-тай гар барьсан. Харамсалтай нь гурван сарын ч нүүр үзэлгүйгээр сайдын суудлаа өгөхөөр болжээ.
Мэдээж түүний хувьд давхар дээлэндээ хоргодон, зууралдаж болно. Гэхдээ АН МАН-тай хэт ойр байгаа нь мань хүнд “дээрээс” ирэх дарамтыг нь нэмээд байгаа гэх. Салбарт ажил явуулъя, өөрчлөлт хийе гэхээр бүхий л шатанд өмнөх сайд С.Одонтуяагийн хүмүүс байгаа учраас сайдаасаа том дуугарч, өөрийг нь үл тоогсдоор дүүрчихсэн юм байх.
Тэр утгаараа Б.Батбаатар салбар нураасан, юу ч хийгээгүй гэдэг нэртэй үлдэж байхаар сайн дураараа хамтарсан Засгийн газраас гарах шийдэлд хүрчээ.
Хөөрхий парламентад дөрөвхөн суудалтай нам ч ёстой л хадны завсар хавчуулагдсан халиуны зулзага гэдэг шиг байх нь дээ, үлдсэн жилүүдэд…
Эх сурвалж: Erennews.mn
