Хөдөлгөөн эхлэхдээ дөрвөн настай хүүхдийг мөргөж гэмтээжээ
Цагдаагийн байгууллагад өчигдөр буюу 09 дүгээр сарын 08-нд “Хүүхэд автомашинд дайруулсан байна” гэх дуудлага мэдээлэл ирснийг шалгахад Тоёота приус маркийн тээврийн хэрэгсэл жолоодон хөдөлгөөн эхлэх үедээ 4 настай хүүхдийг мөргөж гэмтээсэн хэрэгт бүртгэгджээ.
Тухайн хэргийг Баянхонгор аймгийн цагдаагийн газар шалгалтын ажиллагааг үргэлжүүлэн явуулж байна. Замын хөдөлгөөний дүрмийн 10.1 дэх заалт жолооч хөдөлгөөн эхлэхийн өмнө зам орчны нөхцөл байдлыг биеэр болон бусдын тусламжтайгаар шалгаад хөдөлгөөн эхлүүлэх үүрэгтэй гэж заасан байдаг.
Жолооч та тээврийн хэрэгслийн хөдөлгөөн эхлүүлэхдээ зам болон орчноо сайтар нягтлан шалгахыг цагдаагийн байгууллагаас анхааруулж байна.
